Fir méi iwwert d’Wënsch an d’Besoine vun de Bierger/inne gewuer ze ginn, kënnen déi politesch Responsabel op eng Biergerbedeelegung zréckgräifen. Esou ginn et Gemengen, déi Informatiouns-Versammlungen organiséieren, fir zesumme mat den Awunner/innen iwwer Projeten ze diskutéieren, wéi beispillsweis den Amenagement vun enger ëffentlecher Plaz. Anerer froen den Avis vun der Populatioun iwwer zukünfteg Projeten iwwer Questionnairen, déi iwwert d’Gemengen-App diffuséiert ginn. Vill Gemengen organiséieren och reegelméisseg Evenementer fir déi Leit, déi nei ukommen, fir hinnen déi kommunal Infrastrukturen ze weisen, hinne Sports- a Kulturassociatioune virzestellen a natierlech, fir si mat deenen aneren Awunner/inne bekannt ze maachen.
Eng direkt Implicatioun vun de Bierger/innen an den Entscheedungsprozess ass gutt fir d’Wuelbefannen an d’Zesummeliewen an der Gemeng, well d’Offer vun de Servicer esou ka perfekt un d’Besoine vun der ganzer Communautéit kann ugepasst ginn.